မလွမ်းဘူးလားမေးတော့ လွမ်းတယ်
ရောက်သလား မေးတော့ မရောက်ဘူး
သံယောဇဉ်မြစ်နှစ်စင်းကြားမှာဘ၀က တံငါလှေကလေးတစ်စင်း
ရေစီးတစ်ခါ ရေသာတစ်လှည့်နဲ့ဗေဒါမ ကမ်းကပ်ခဲ့ရသလို
ကျွန်တော်လည်း မျောခဲ့ရ
သဘာဝတရားကလည်းသောင်ခဏခဏထွန်းပြတယ် အမေ
ဒါပေမဲ့ အမေ
အလွမ်းတွေ ခဏပြန်သိမ်းပါဦး
မျက်ရည်တွေ သုတ်ပါဦး
ခွာညိုပွင့်ပြီ တစ်ဆောင်းသစ်ပြီ
သံယောဇဉ်မြစ်နှစ်စင်းကြားက အမေ့သားတံငါလှေကလေး
ဒီတစ်ခါ အမေနေ့မှာ အမေ့ကို ကဗျာနဲ့ ကန်တော့ဖို့
ချစ်ခြင်းတွေ ပင်လယ်တစ်ခုစာ ပွေ့ပိုက်လို့
အမေရှိတဲ့ကမ်း ရောက်အောင်လှမ်းခဲ့မယ်
ရောက်အောင်လှမ်းခဲ့ပါ့မယ် အမေ။
မင်းနဒီခ
0 ဦးမှတ်ချက်ရေးထားသည်။:
Post a Comment